आधुनिक काल Modern Period • आधुनिक कालको परिचय

 

पाठ ६
आधुनिक काल
Modern Period
• आधुनिक कालको परिचय
(Introduction to Modern Period)
वि.सं. १८२५ मा पृथ्वीनारायण शाहले कान्तिपुर कब्जा गरी एकीकृत नेपालको निर्माण पछिको समयलाई नेपालको आधुनिक काल भनिन्छ । यस कालअन्तर्गत निम्नानुसारका ऐतिहासिक राजनीतिक काल खण्डहरू पर्दछन् :
● पृथ्वीनारायण शाहको शासन (वि.सं. १७९९-१८३१.
सम्म)
राणा शासन (वि.सं. १९०३-२००७ सम्म)
• सङ्क्रमणकालीन अवधि (वि.सं. २००७-२०१७ सम्म)
पञ्चायत काल (वि.सं. २०१७-२०४६ सम्म)
बहुदलीय प्रजातन्त्र (वि.सं. २०४७-२०६३ सम्म)
दोस्रो सङ्क्रमणकालीन अवधि (वि.सं. २०६३-२०७२
सम्म)
सङ्घीय लोकतान्त्रिक गणतन्त्रात्मक काल (वि.सं.
२०७२ देखि हालसम्म)
नेपाल एकीकरण (Nepal Unification)
नेपालको इतिहासमा शाहवंशीय राज्यसत्ताको स्थापना
गर्ने राजा पृथ्वीनारायण शाह हुन् ।
गोरखाका राजा नरभूपाल शाह र रानी कौशल्यावतीका
जेष्ठ सुपुत्रको रूपमा वि.सं. १७७९ पुस २७ गते
पृथ्वीनारायण शाहको जन्म भएको थियो ।
आधुनिक नेपालको निर्माताको रूपमा उनलाई चिनिन्छ
र त्यसैले उनलाई राष्ट्रनिर्माता पनि भनिन्छ ।
तत्कालीन समयमा कम्तीमा ५३ टुक्रामा विभाजित
नेपालको गोरखा राज्यका राजा पृथ्वीनारायण शाह थिए
उनले गोरखाबाट नै एकीकरण अभियान सुरू गरेका
थिए ।उनले छरिएर रहेका बाइसे, चौबिसे राज्यलगायत
उपत्यकाका कान्तिपुर, पाटन र भादगाउँका साथै
वरिपरिका नुवाकोट, मकवानपुर, विजयपुर आदि
राज्यहरूलाई मिलाई एक सक्षम र सिङ्गो नेपाल
निर्माण गरेका थिए ।उनी एक जनचाहनाको कदर गर्ने राजा थिए ।